Një zjarre masiv në Borsh, Piqeras dhe Sasaj ka kërcënuar banesat dhe bizneset e zonës që nga dje, duke u përhapur shpejt për shkak të erës së fortë. Për të përballuar këtë situatë, aksioni ka rinisur mëngjesin e sotëm me dy helikopterë të Forcës Ajrore, të cilët po punojnë për neutralizimin e flakëve.
Zjarrfikësit dhe Forcat e Armatosura të stacionuara në Borsh kanë arritur të vendosin perimetra sigurie gjatë natës, duke parandaluar përhapjen e zjarrit në zonat e banuara. Policia e Shtetit dhe punonjësit e emergjencave civile kanë ndërhyrë për të ndihmuar banorët dhe pushuesit, duke shoqëruar 40 persona drejt zonave të sigurisë.
Operacioni vazhdon në terren, me zjarrfikësit e Himarës dhe Forcat e Armatosura që po bashkërendojnë veprimet e tyre me ekuipazhet e helikopterëve për të eliminuar çdo rrezik dhe parandaluar përhapjen e flakëve.
Komente