Një zjarr masiv ka shpërthyer në fshatin Konisbaltë, në Bashkinë Dimal, duke marrë përmasa të mëdha. Flakët e zjarrit, që kanë filluar në kufirin kodrinor të Konisbaltës me fshatin Mbreshtan, janë shpërndarë shpejt dhe janë favorizuar nga erërat e forta dhe temperaturat e larta.
Për të ndihmuar në përballimin e flakëve, shërbimi zjarrfikës i Dimalit ka marrë mbështetje nga grupi i zjarrfikësve të qytetit të Beratit, i cili ka dërguar 3 mjete zjarrfikëse dhe 20 efektivë. Po ashtu, është angazhuar edhe shërbimi zjarrfikës i qytetit të Kuçovës, me një mjet dhe 4 efektivë.
Aktualisht, zjarrfikësit kanë arritur të lokalizojnë flakët, dhe janë duke punuar intensivisht për fiksimin e plotë të zjarrit. Megjithatë, ndërhyrja ka qenë jashtëzakonisht e vështirë për shkak të terrenit të vështirë, që ka penguar qasjen e mjeteve zjarrfikëse në disa zona të rrezikuara.
Në këto momente, janë ende disa vatra aktive që kërkojnë mbikëqyrje të vazhdueshme dhe përpjekje të mëtejshme për neutralizimin e plotë të zjarrit. Shërbimet zjarrfikëse po bëjnë çdo përpjekje për të parandaluar përhapjen e tij dhe për të mbrojtur jetën dhe pasuritë e banorëve të zonës.
Situata është ende nën kontroll por kërkohet kujdes i shtuar për shkak të kushteve të pafavorshme atmosferike.
E diplomuar në Fakultetin e Gazetarisë dhe Komunikimit në Bukuresht, në vitet 1998–2003, Marsela Topi ka ndërtuar një karrierë të gjatë dhe të qëndrueshme në fushën e medias, duke kontribuar në radio, televizione lokale dhe qendrore.
Me një përkushtim të vazhdueshëm ndaj informimit të saktë dhe profesional, ajo njihet për stilin e saj të matur, korrekt dhe të ndërtuar mbi parimin e objektivitetit gazetaresk.
Përvoja e saj shumëvjeçare është pasqyruar në mbulimin e ngjarjeve me rëndësi dhe në trajtimin e temave me ndjeshmëri publike, duke ruajtur gjithmonë integritetin dhe besueshmërinë si gazetare.
Komente