Vlorë, 6 korrik 2025 – Strukturat e Drejtoria Vendore e Policisë Vlorë dhe të Komisariatit të Policisë Vlorë kanë intensifikuar kontrollet në qytet dhe në zonat turistike, në kuadër të masave për lirimin e hapësirave publike dhe rrugëkalimeve të zëna nga parkimi i gabuar i automjeteve.
Gjatë 48 orëve të fundit:
Janë vendosur dhjetëra masa administrative ndaj drejtuesve të mjeteve që kanë parkuar në mënyrë të gabuar;
Janë larguar me karrotrec automjete që pengonin lëvizjen e lirë të qytetarëve dhe automjeteve të tjera, duke zënë trotuaret, rrugëkalimet për këmbësorë apo segmente të ngushta rrugore.
Parkimi i gabuar jo vetëm që pengon qarkullimin, por dëmton dhe përvojën turistike të qytetit dhe sigurinë e përditshme të banorëve.
Policia e Vlorës apelon për ndërgjegjësim dhe respektim të rregullave të qarkullimit rrugor dhe të sinjalistikës.
Çdo automjet i parkuar gabim do të ndëshkohet dhe do të tërhiqet menjëherë me karrotrec.
Kontrollet do të vijojnë çdo ditë, me qëllim garantimin e një mjedisi funksional, të sigurt dhe të qetë për qytetarët dhe pushuesit që vizitojnë Vlorën gjatë sezonit veror.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente