Një konflikt mes dy drejtuesish mjetesh, në zonën e njohur si "Rrethi i Skelës" në Vlorë, ka rrezikuar të përshkallëzohet në një ngjarje të rëndë, por ndërhyrja në kohë e forcave të rendit ka parandaluar më të keqen.
Sipas njoftimit zyrtar, shtetasi E. H., 25 vjeç, ka goditur disa herë me makinën e tij automjetin e një 18-vjeçari, shtetasit G. D., duke i rrezikuar seriozisht jetën. Ngjarja është konstatuar nga efektivët e Forcës së Posaçme “Shqiponja”, të cilët ndodheshin jashtë shërbimit, si dhe nga patrullat e tjera të Policisë së Vlorës që reaguan menjëherë.
Pasi u neutralizua autori, u kryen veprimet e nevojshme procedurale dhe 25-vjeçari u arrestua në flagrancë për veprat penale “Shkatërrimi i pronës me mjete të tjera” dhe “Prishja e rendit dhe qetësisë publike”.
Materialet i janë referuar Prokurorisë së Vlorës për veprime të mëtejshme. Policia po vijon hetimet për zbardhjen e plotë të ngjarjes.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente