Nga Carmela Pagliuca
Brenda kuadrit të Ditës Botërore të Gastronomisë, qyteti i Vlorës do të mirëpresë për herë të parë një panair të dedikuar tërësisht gastronomisë së produkteve të detit. Eventi do të mbahet më 27 dhe 28 qershor në shëtitoren bregdetare “Lungomare”, që do të dekorohet posaçërisht për këtë rast festiv.
Kjo nismë synon të vërë në pah kulturën e pasur gastronomike të zonës, e cila është pjesë përbërëse e trashëgimisë kulturore vendase. Përmes ekspozimit të bukurive natyrore, vlerave të komunitetit dhe recetave tradicionale të përpunuara me teknika bashkëkohore, panairi pritet të jetë një atraksion i veçantë për qytetarët dhe turistët.
Në një postim në rrjete sociale, kryetari i bashkisë Ermal Dredha e cilësoi këtë aktivitet si një mundësi për të shijuar “produktet unike të detit tonë, të cilat falë zhvillimit të teknikave kulinare, e kanë renditur qytetin tonë ndër më të dalluarit për cilësinë e ushqimit”.
Vlora njihet për një kuzhinë autentike, të bazuar në freskinë dhe pastërtinë e produkteve lokale, ku shijet e detit ndërthuren me traditën dhe pasurinë kulturore të bregdetit shqiptar.
Komente