Kryeministri Edi Rama ka shpërndarë këtë të diel pamje nga Vlora, ku qyteti është tejmbushur me turistë vendas dhe të huaj. Lungomarja dhe plazhet e qytetit janë kthyer në qendra gjallërie, ndërsa sezoni turistik po hyn në kulmin e tij.
Vlora po konfirmohet si një prej destinacioneve më të preferuara verore, me një ofertë që shkon përtej turizmit bregdetar. Kalendari i pasur me aktivitete sportive, artistike dhe kulturore po i jep një tjetër ritëm qytetit, duke tërhequr vëmendjen e vizitorëve nga brenda dhe jashtë vendit.
Kryqëzimi i dy deteve, Adriatikut dhe Jonit, bashkë me natyrën, traditën dhe kulinarinë, po e shndërrojnë Vlorën në një prej pikave më atraktive të turizmit shqiptar këtë verë.
Gentjan Kellçiu është gazetar dhe moderator nga Vlora, i njohur për raportimet e tij në terren dhe drejtimin e emisioneve informative. Aktualisht ai drejton emisionin e mëngjesit “Agon Blu” në Blu TV.
Komente