Një 48-vjeçar është arrestuar në Lushnjë pasi tentoi të vidhnte sende me vlerë në ambientet e një Kishe Katolike. Policia e Lushnjës ka bërë të ditur se arrestimi i tij u realizua në flagrancë, gjatë një patrullimi rutinë në lagjen "Kongresi".
Në njoftimin e bërë publik nga Policia, thuhet se gjatë mbrëmjes së djeshme, shërbimet e komisariatit kanë konstatuar shtetasin B. B., 48 vjeç, të cilin e kanë gjetur duke vjedhur sende me vlerë brenda ambienteve të kishës. Me ndërhyrjen e shpejtë të patrullës, autori është kapur dhe është arrestuar në vend.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme ligjore.
Ky rast tregon edhe njëherë përpjekjet e Policisë për të parandaluar veprime të tilla kriminale, duke garantuar sigurinë dhe ruajtjen e pasurisë publike dhe private.
Komente