Manchester United ka zyrtarizuar transferimin e sulmuesit slloven Benjamin Sesko, i cili ka firmosur kontratë deri në qershor 2030, në pritje të regjistrimit përfundimtar.
22-vjeçari është një nga talentet më premtues në futbollin europian, duke u renditur si lojtari me më shumë gola ndër të gjithë futbollistët nën 23 vjeç në pesë ligat kryesore të kontinentit gjatë dy sezoneve të fundit. Vetëm sezonin e kaluar, me RB Leipzig, ai realizoi 21 gola dhe dha 6 asistime.
Sesko ka një karrierë të konsoliduar edhe me kombëtaren e Sllovenisë, ku ka grumbulluar 41 ndeshje dhe ka shënuar 16 gola që prej debutimit si më i riu në historinë e vendit, në vitin 2021.
Ky transferim shihet si pjesë e strategjisë së Manchester United për të ndërtuar një skuadër konkurruese që synon rikthimin në garën për trofetë më të mëdhenj.
Komente