Situata e Zjarreve në Shqipëri - Raporti i Ditës

Qendra Kombëtare Operacionale e Emergjencave Civile në Agjencinë Kombëtare të Mbrojtjes Civile (AKMC) ka raportuar një situatë të rënduar të zjarreve, pas një fluksi të lartë të vatrave aktive, të cilat kanë përfshirë disa zona të Shqipërisë. Deri në orën 18:00 të ditës së sotme, janë regjistruar gjithsej 22 vatra zjarri, nga të cilat 11 janë shuar dhe 11 janë ende aktive.

Zona të Shuar nga Zjarri:
Pas përpjekjeve të vazhdueshme dhe intensifikimit të operacioneve në terren, janë shuar vatrat e zjarrit në disa lokacione kryesore:

Bashkia Korçë

Bypass-i i Vlorës, njësia administrative Orikum, bashkia Vlorë

Vish, bashkia Himarë

Qeparo, bashkia Himarë

Borsh, njësia administrative Lukovë, bashkia Himarë

Mborje, njësia administrative Drenovë, bashkia Korçë

Karpen, njësia administrative Golem, bashkia Kavajë

Velçë, njësia administrative Brataj, bashkia Selenicë

Karpen, njësia administrative Maminas, bashkia Shijak

Çerkezë-Morinë, njësia administrative Zall-Herr, bashkia Kamëz

Vatra të Aktivizuara:
Qarku Dibër – Liqeni i Luleve, pjesë e Parkut Kombëtar Lurë, njësia administrative Lurë, bashkia Dibër. Zjarri që ka shpërthyer më 07.07.2025, është ende aktiv në dy vatra, njëra në drejtim të Lurës dhe tjetra në pjesën e sipërme të krahu të Gurë Lurës. Përpjekjet për kontroll janë të vështira për shkak të terrenit të keq. Po punojnë 30 forca të organeve vendore dhe 30 forca nga Forcat e Armatosura (FA).

Qarku Dibër – Shupenzë, bashkia Bulqizë. Zjarri i riaktivizuar më 13.07.2025, është në një vatër me intensitet të ulët dhe është spostuar nga “Livadhi i Peladhisë”, njësia administrative Zerqan. Në terren ndodhen 9 efektivë dhe 1 automjet zjarrfikës.

Qarku Dibër – Zall Gjoçaj, njësia administrative Derjan, bashkia Mat. Zjarri është shpërthyer në një zonë të thepisur, duke vështirësuar ndërhyrjen. Rreth 60 forca, përfshirë efektivë të bashkisë dhe FA, janë angazhuar në shuarjen e tij, ndërkohë që operon një helikopter i FA.

Qarku Dibër – Dovolan, njësia administrative Maqellarë, bashkia Dibër. Zjarri ka shpërthyer në anën lindore të fshatit dhe është përhapur në pyje dushku. Po punohet me një automjet zjarrfikës dhe 6 efektivë.

Qarku Fier – Belishovë, njësia administrative Qendër Dukas, bashkia Mallakastër. Vatra që ka riaktivizuar nga fshati Drenovë më 14.07.2025, ka marrë zgjerim të perimetrit. Po punojnë 35 forca zjarrfikëse me 2 automjete zjarrfikëse nga bashkia Mallakastër dhe 30 efektivë nga FA.

Qarku Vlorë – Sotiran, Orikum. Zjarri ka shpërthyer në një zonë shumë intensive mbi fshatin Dukat, duke përfshirë shkurre dhe fier poshtë pyllit me pishë. Po punojnë 17 efektivë të MZSH dhe 5 forca nga Shërbimi Pyjor.

Qarku Elbasan – Shmil, njësia administrative Labinot-Mal, bashkia Elbasan. Zjarri ka përfshirë pyllin e gështenjës dhe vështirësia e terrenit po pengon ndërhyrjen.

Qarku Elbasan – Kodër Kraste, bashkia Elbasan. Zjarri ka shpërthyer në këtë zonë dhe po punohet për shuarjen e tij.

Qarku Lezhë – Tenë, njësia administrative Rrëshen, bashkia Mirditë. Zjarri ka përfshirë një sipërfaqe me shkurre. Ndodhen në vend forcat zjarrfikëse.

Qarku Durrës – Zallë, njësia administrative Fushë-Krujë, bashkia Krujë. Automjeti zjarrfikës është në vendngjarje për të përballuar flakët.

Qarku Durrës – Pelikani, Shijak, afër Parkut të Kamionëve. Forcat zjarrfikëse janë angazhuar në shuarjen e zjarrit.

Forcat e emergjencës civile, bashkitë, Shërbimi Pyjor, Forcat e Armatosura dhe zjarrfikësit po angazhohen maksimalisht për të kontrolluar dhe shuar vatrat aktive të zjarrit që kanë shpërthyer në mbarë vendin. Puna për përballimin e kësaj situate të rënduar do të vijojë gjatë ditëve në vijim, duke kërkuar përpjekje të koordinuara dhe të pandërprera për të mbrojtur jetën e qytetarëve dhe pasuritë natyrore.