Bilbili i Labërisë, Bujar Tabulla, është ndarë nga jeta në moshën 65-vjeçare. Artisti i njohur, një nga zërat më të dashur dhe më të veçantë të këngës labe, u shua mbrëmjen e djeshme pas një sëmundjeje të rëndë që e mundoi në vitet e fundit.
I lindur dhe rritur në Delvinë, Bujar Tabulla nisi të këndonte që në fëmijëri, duke u bërë themelues i grupit të qytetit “Djemtë e Delvinës”, ku spikati me zërin e tij të ngrohtë, të pastër dhe plot emocion.
Breza të tërë e njohën si “Bilbili i Labërisë”, një nofkë që nuk iu dha rastësisht, por e fitoi me shpirt, talent dhe përkushtim të jashtëzakonshëm ndaj këngës polifonike shqiptare.
Tabulla shërbeu për vite me radhë në ndërmarrjen e pyjeve, duke i qëndruar afër natyrës me të njëjtën dashuri me të cilën i këndonte asaj.
Zëri i Bujar Tabullës do të jetojë në çdo këngë që ai interpretoi, në çdo zemër që preku me artin dhe fisnikërinë e tij. Shqipëria humbi një nga zërat më përfaqësues të traditës, por kujtimi i tij do të mbetet i paharruar.
Dea Hasanaj është Drejtore e Burimeve Njerëzore, Administratës dhe Programacionit në Blu TV. Me formim juridik, ajo koordinon funksionimin organizativ të televizionit, menaxhon stafin dhe siguron zbatimin e standardeve editoriale.
Përveç detyrës drejtuese, Dea është edhe autore dhe shkrimtare opinioni, e njohur për analizat e saj mbi çështje sociale, kulturore dhe mediatike.
Ajo përfaqëson institucionin pranë palëve të treta, dhe kujdeset për ecurinë e bashkëpunimit të brendshëm.
Roli i saj është thelbësor për funksionimin efikas dhe identitetin editorial të Blu TV
Komente