Këtë gusht Shkodra do të mbushet me tingujt e muzikës më të fundit dhe baladat më të bukura të muzikës shqiptare. Festa ka nisur me yllin kryesor të këtij viti, Shkodra Elektronike që ka tërhequr vëmendjen e shumë qytetarëve dhe turistëve.
Një nga ngjarjet më të veçanta ishte performanca e muzikës tradicionale e duos në skenën e Eurovisionit, e cila u pasua nga koncerti i këngëtarit Ledri Vula, i cili shtoi më shumë ngjyrë dhe atmosferë. Shkodra Elektronike ka bërë bashkë qytetarët dhe turistët që kanë shijuar atmosferën e krijuar duke e bërë Shkodrën një qendër të muzikës dhe artit për këtë sezon.
Drejtorja e Kulturës në Bashkinë Shkodër, Sara Smaja, shprehu se që nga nisja e sezonit veror, qyteti ka përjetuar një sërë aktivitetesh dhe festivalesh, dhe se në javët në vazhdim do të vazhdojnë të organizohen koncerte dhe aktivitete kulturore në çdo zonë turistike të Shkodrës. Smaja theksoi se ky vit do të ofrojë një përvojë të paharrueshme për vizitorët dhe qytetarët, duke sjellë emra të njohur të artit shqiptar.
Koncertet e verës të organizuara nga Bashkia Shkodër do të vijojnë të jenë një epiqendër e argëtimit për të gjithë, duke bashkuar muzikën, kulturën dhe turizmin në një platformë të përbashkët.
Përveç aktiviteteve që do të zhvillohen në qendër të qytetit, këtë fundjavë do të ketë një koncert edhe në Kalajën e Rozafës, e cila do të presë këngë të bukura, shumë prej të cilave janë të dedikuara për dashurinë.
Komente