Stina e verës shpesh shoqërohet me shtimin e infeksioneve, dhe më i përhapuri është gastroenteriti. Sipas mjekëve të Shërbimit të Urgjencës në Spitalin Rajonal të Vlorës, në këtë periudhë është vërejtur një rritje e ndjeshme e pacientëve që paraqiten me simptoma të kësaj sëmundjeje.
Gastroenteriti manifestohet zakonisht me dhimbje barku, të vjella, diarre dhe temperaturë të lartë, dhe mund të prekë si të rriturit, ashtu edhe fëmijët. Mjekët theksojnë se në shumicën e rasteve, shkaktarët kryesorë janë ushqimet dhe uji i konsumuar në kushte të pakontrolluara, sidomos gjatë periudhave me temperatura të larta dhe mungesë higjiene.
Specialistët këshillojnë qytetarët dhe pushuesit që të tregojnë kujdes të shtuar me ruajtjen dhe konsumimin e produkteve ushqimore, si dhe të sigurohen për pastërtinë e ujit që përdorin, për të shmangur komplikimet shëndetësore gjatë pushimeve verore.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente