Një nga zonat më të frekuentuara të Durrësit gjatë verës, shëtitorja “Taulantia”, po i nënshtrohet një procesi rehabilitimi të plazheve publike. Kryeministri Edi Rama ka ndarë në rrjetet sociale pamje nga punimet që po zhvillohen në këtë zonë turistike, e cila ndodhet në lagjen nr. 1 të qytetit bregdetar.
Investimi synon të përmirësojë cilësinë e shërbimeve dhe hapësirave publike për pushuesit vendas dhe të huaj, të cilët çdo vit zgjedhin Durrësin si destinacionin e tyre veror. Shëtitorja është tashmë e pajisur me 21 mijë metra katrorë hapësira të gjelbëruara, ku janë mbjellë 500 pemë dhe rreth 6500 shkurre dekorative.
Zona është transformuar në një hapësirë shumëfunksionale falë sistemeve të reja të ndriçimit, këndeve sportive, hapësirave rekreative dhe gjelbërimit, duke e kthyer shëtitoren në një atraksion të vërtetë urban dhe turistik.
Durrësi, si një nga portat kryesore të turizmit në vend, ka njohur rritje të ndjeshme të vizitorëve vitet e fundit, përfshirë edhe turistët që mbërrijnë përmes kroçerave nga vende të ndryshme të botës. Rehabilitimi i shëtitores “Taulantia” përbën një tjetër hap drejt përmirësimit të infrastrukturës turistike të qytetit.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente