Sarandë - Arrestohet 26-vjeçari për Dhunë ndaj Ish-Burrit të Motrës
Specialistët për Hetimin e Krimeve në Komisariatin e Policisë Sarandë kanë arrestuar në flagrancë shtetasin E. N., 26 vjeç, pas një konflikti të dhunshëm me ish-burrin e motrës së tij, shtetasin K. B., 44 vjeç, më 16.07.2025. Ngjarja ka ndodhur në lagjen nr. 4, ku E. N. ka goditur K. B. me një mjet prerës, duke i shkaktuar dëmtime trupore. Shtetasi K. B. ka marrë ndihmë mjekësore dhe ndodhet jashtë rrezikut për jetën.
Gjithashtu, është proceduar penalisht shtetasi N. Q., 26 vjeç, banues në Sarandë, pasi më 15.07.2025 ka shkaktuar shqetësim në lagjen nr. 1, duke bërë zhurma të forta me motomjetin e tij dhe duke prishur qetësinë publike.
Delvinë - Arrestohet 52-vjeçari për Dhunë ndaj Bashkëjetueses
Në Delvinë, specialistët për Hetimin e Krimeve kanë arrestuar në flagrancë shtetasin K. R., 52 vjeç, banues në fshatin Bamatat, pasi dyshohet se ka ushtruar dhunë fizike dhe psikologjike ndaj bashkëjetueses së tij.
Vlorë - Konflikt Pronesie dhe Dhunë në Familje
Në Vlorë, janë proceduar penalisht shtetasit A. S., 55 vjeç dhe R. S., 54 vjeç, pasi më 16.07.2025 janë konfliktuar fizikisht pas një mosmarrëveshjeje pronësie në banesën e tyre. Po ashtu, është shpallur në kërkim shtetasi E. H., 32 vjeç, pasi është kallëzuar nga bashkëjetuesja e tij për ushtrim dhune fizike dhe psikologjike.
Një tjetër rast i dhunës në familje ka ndodhur në Vlorë, ku po punohet për gjetjen e një shtetaseje të mitur, 16 vjeçe, e cila ka ikur nga banesa, sipas kallëzimit të bërë nga e ëma, shtetasja E. S.
Aksidente Rrugore në Vlorë dhe Himarë
Specialistët e Seksionit të Trafikut Urban dhe Interurban kanë nisur procedim penal për shtetasin F. Z., 21 vjeç, banues në Himarë, pasi më 16.07.2025, në vendin e quajtur “Potam”, duke drejtuar automjetin tip “Benz” pa leje drejtimi, ka shkaktuar një aksident me dëme materiale me një tjetër automjet, tip “Benz”, drejtuar nga shtetasi J. S., 61 vjeç, banues në Gjermani.
Po ashtu, më 15.07.2025, rreth orës 21:10, në rrugën “Dhimitër Konomi” në Vlorë, shtetasi A. L., 58 vjeç, duke drejtuar automjetin “Hyundai”, ka përplasur shtetasin amerikan A. S., 30 vjeç, i cili ishte lëvizur me biçikletë. Si pasojë e përplasjes, shtetasi A. S. ka pësuar dëmtime të lehta, dhe pas mjekimit në spital është larguar për në banesë.
Materialet për këto raste iu referuan Prokurorisë për veprime të mëtejshme.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente