Në qytetin bregdetar të Vlorës, çmimet e apartamenteve dhe qiratë janë në rritje të vazhdueshme, duke e bërë gjithnjë e më të pamundur për të rinjtë të sigurojnë një strehe. Kjo ka krijuar një situatë të vështirë për çiftet e reja dhe të rinjtë që po përpiqen të bëjnë një hap të rëndësishëm në jetën e tyre, por që ndodhen përballë një tregu të patregueshëm të pasurive të paluajtshme.
Qiratë, sidomos në zonat pranë bregdetit, janë rritur ndjeshëm, duke e bërë të papërballueshëm për ata që kanë paga të ulëta ose që nuk kanë asnjë mbështetje financiare. Për shumë të rinj, edhe një apartament i thjeshtë me qira ka kaluar në kategorinë e luksit.
Qytetarët kërkojnë ndërhyrjen e institucioneve për të frenuar këtë rritje të pakontrolluar të çmimeve në tregun e banesave. Sipas tyre, strehimi është një e drejtë themelore dhe duhet të jetë i aksesueshëm për çdo qytetar, pa përjashtuar asnjë grup shoqëror. Ata theksojnë se strehimi nuk mund të jetë një luks që mund ta përballojnë vetëm ata që kanë mundësi financiare, por një nevojë për çdo individ dhe familje.
Në një kohë kur qyteti është në zhvillim të shpejtë dhe turizmi është një faktor i rëndësishëm për ekonominë, rritja e çmimeve po i përjashton të rinjtë nga mundësia për të krijuar një jetë të qëndrueshme. Qytetarët kërkojnë që të ndërmerren masa për të siguruar që të rinjtë të kenë mundësinë e një strehimi të qëndrueshëm dhe të aksesueshëm.
Adriatik Golemaj, Drejtor Ekzekutiv i televizionit, ka 28 vite përvojë në media lokale dhe ndërkombëtare. Ka punuar si gazetar, redaktor dhe prezantues, si dhe si ndërmjetës për organizata mediatike të huaja. Ka drejtuar projekte komunikimi me publikun dhe median për kompani ndërkombëtare. Në rolin e tij aktual, ai garanton funksionimin e televizionit dhe përfaqëson institucionin në bashkëpunime strategjike.
Komente