Qeveria ka miratuar sot vendimin për hapjen e pikës së kalimit kufitar në Aeroportin Ndërkombëtar të Vlorës. Ky hap ka qenë i testuar me shpejtësi para zgjedhjeve, por nuk ka filluar ende operimin në mënyrë të plotë. Aktualisht, aeroporti është në fazën e certifikimit ndërkombëtar dhe qeveria po merr masat për përfundimin e procedurave të nevojshme.
Vendimi i Këshillit të Ministrave
Në mbështetje të nenit 100 të Kushtetutës dhe ligjit nr. 71/2016, “Për kontrollin kufitar”, qeveria ka marrë vendimin për të hapur zyrtarisht pikën e kalimit kufitar në Aeroportin Ndërkombëtar të Vlorës, duke mundësuar qarkullimin ndërkufitar ajror të shtetasve.
Detyrat përkatëse për implementimin
Ministritë e Brendshme, Infrastrukturës dhe Energjisë, Financave, dhe Bujqësisë dhe Zhvillimit Rural janë ngarkuar për zbatimin e këtij vendimi dhe përgatitjen e të gjitha kushteve për hapjen e plotë të kësaj pike kufitare.
Ky vendim hyn në fuqi pas botimit në "Fletoren Zyrtare".
Vjola Murati është spikere dhe gazetare në Blu Televizion, me një formim akademik në Shkenca Sociale dhe Komunikim nga Universiteti i Tiranës. Ajo sjell në ekran profesionalizëm, ndjeshmëri dhe përkushtim ndaj realitetit të komunitetit vendas.
Komente