Drejtoria Vendore e Policisë Vlorë ka vijuar veprimet hetimore lidhur me disa ngjarje të ndryshme që kanë ndodhur gjatë ditës së djeshme, më 20 korrik 2025.
Në Sarandë, specialistët për Hetimin e Krimeve në Komisariatin e Policisë referuan materialet në Prokurori dhe shpallën në kërkim shtetasin E. G., 44 vjeç, banues në Sarandë, pasi dyshohet se ka goditur me qytën e pistoletës në pjesën e kokës shtetasin A. V., 56 vjeç, banues po në Sarandë. Dyshohet se arma ka shkrepur aksidentalisht, por fatmirësisht nuk ka shkaktuar pasoja. Puna për kapjen e tij vijon.
Po ashtu, gjatë kontrollit të ushtruar nga specialistët e Hetimit të Krimeve, janë sekuestruar doza të ndryshme lëndësh narkotike nga shtetas të ndryshëm në Sarandë:
- N. K., 34 vjeç - Sekuestruar kanabis.
- E. M., 26 vjeç - Sekuestruar kokainë.
- M. K., 18 vjeç - Sekuestruar kanabis.
- K. M., 38 vjeç - Sekuestruar kanabis.
Një tjetër ngjarje e raportuar lidhet me shkeljen e rregullave të mbrojtjes në punë. Në lagjen "Pavarësia" në Vlorë, një i mitur 10 vjeç ka rënë nga një lartësi prej 2 metrash në kompleksin e lodrave. Ai është dërguar në spital dhe aktualisht ndodhet jashtë rrezikut për jetën. Për këtë ngjarje, është nisur procedimi penal ndaj shtetasit I. K., 53 vjeç, përgjegjës për sigurinë e fëmijëve në kompleks.
Po në datën 20 korrik, janë raportuar dy aksidente të tjera:
Aksidenti me mjet të mprehtë - Një i mitur 15 vjeç u aksidentua gjatë punës në një restorant në Zvërnec, Vlorë. Ai mori ndihmën e parë mjekësore dhe është larguar për në banesë pas trajtimit.
Aksidenti me alkool dhe pesticide - Shtetasi A. L., 39 vjeç, banues në Vlorë, dyshohet se ka konsumuar alkool dhe pesticide (fotoksinë) në kushte psikologjike të rënduara. Ai mori ndihmë mjekësore dhe është jashtë rrezikut për jetën.
Nga Seksioni i Trafikut Urban dhe Interurban, janë kryer procedime penale për shkelje të rregullave të trafikut:
- E. J., 50 vjeç u arrestua në gjendje të dehur, ndërsa po drejtonte automjetin në rrugën “Gjergj Kastrioti” në Vlorë.
- M. I., 24 vjeç, drejtues i një automjeti tip "BMW", goditi një automjet tip "Ford" dhe më pas u largua nga vendi i ngjarjes. Pas përplasjes, "Ford" ka goditur dy automjete të tjera, duke shkaktuar vetëm dëme materiale.
Materialet për të gjitha ngjarjet janë referuar në Prokurori për veprime të mëtejshme.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente