Arrestohet 32-vjeçari për "Plagosje të rëndë me dashje"
Specialistët për Hetimin e Krimeve në Komisariatin e Policisë Vlorë arrestuan në flagrancë shtetasin I. H., 32 vjeç banues në Vlorë, pasi ky i fundit për motive të dobëta është përfshirë në një konflikt fizik me dy shtetas të tjerë në lagjet "10 Korriku" dhe "Pavarësia 2". Gjatë konfliktit, ai ka përdorur një thikë për të plagosur M. F. 39 vjeç dhe K. K. 32 vjeç të cilët morën ndihmën mjekësore dhe ndodhen jashtë rrezikut për jetën. Po ashtu I. H. ka marrë ndihmë mjekësore për dëmtimet e tij gjatë përleshjes. Mjeti prerës (thika) i përdorur u sekuestrua si provë materiale.
Procedim penal për F. Z. për vendosjen e karrigeve dhe tavolinave pa leje
Po nga specialistët e Komisariatit të Vlorës janë referuar materiale në Prokurori për shtetasin F. Z. 36 vjeç, banues në Vlorë i cili është kapur duke vendosur disa karrige dhe tavolina në një hapësirë publike në lagjen "Uji i Ftohtë" pa leje.
Sarandë – Dëmtim i godinës së thertores nga flakët
Specialistët për Hetimin e Krimeve në Komisariatin e Policisë Sarandë kanë referuar në Prokurori një ngjarje të ndodhur më 01.08.2025, kur një godinë thertore, e administruar nga M. Gj., 45 vjeç në fshatin Metoq Sarandë, u përfshi nga flakët. Si pasojë e zjarrit u shkaktuan dëme të vogla materiale. Hetimet janë në vazhdim për sqarimin e rrethanave të ngjarjes.
Arrestime për drejtimin e automjetit në gjendje të dehur
Specialistët e Seksionit të Trafikut Urban dhe Interurban Sarandë arrestuan në flagrancë dy shtetas për drejtimin e automjetit në gjendje të dehur:
- A. B., 25 vjeç, banues në Sarandë, i cili u kap më 02.08.2025 në rrugën "Butrinti".
- K. V., 28 vjeç, banues në Tiranë, i cili u kap më 02.08.2025 në rrugën "Abedin Dino".
Procedim për aksident me mopatinë elektrike
Po ashtu, specialistët e Sarandës referuan në Prokurori dhe nisën procedimin penal për shtetasin E. B., 34 vjeç, banues në Delvinë, pasi më 02.08.2025, në rrugën "Idriz Alidhima", Sarandë, ai ka përplasur një mopatinë elektrike, e drejtuar nga një shtetas i mitur 15 vjeç, i cili ka pësuar dëmtime të lehta. Pas marrjes së ndihmës mjekësore, i mituri është larguar në banesë.
Veprime të mëtejshme
Materialet për të gjitha ngjarjet janë referuar në Prokurorinë përkatëse për veprime të mëtejshme.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente