Temperaturat e larta dhe moti i kthjellët kanë sjellë një fluks të madh pushuesish në plazhet e Vlorës. Qytetarë vendas dhe turistë të ardhur nga vende të ndryshme kanë zgjedhur bregdetin për t’u freskuar dhe për të shijuar ditët me diell të gushtit.
Bregdeti i pasur me rërë të artë dhe ujë të kristaltë, nga Plazhi i Ri e deri në zonat e Orikumit dhe Zvërnecit, ofron mundësi të shumta për relaks, sporte ujore dhe argëtim familjar. Shumë vizitorë thonë se e zgjedhin Vlorën jo vetëm për bukuritë natyrore, por edhe për mikpritjen dhe shërbimet cilësore që ofrohen.
Qytetarët shprehen të kënaqur me pushimet e tyre, duke e cilësuar bregdetin e Vlorës një destinacion ku do të rikthehen sërish.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente