Aksioni për lirimin e hapësirave publike në Lushnje ka shkaktuar një përplasje të fortë mes qytetarëve opozitës dhe forcave të rendit, pas vendimit të bashkisë për të prerë pemët 30-vjeçare në lagjen "Gafurr Muço". Policia bashkiake, IMTV dhe forcat e rendit kanë qenë të pranishme për të zbatuar këtë veprim, ndërkohë që deputeti Saimir Korreshi dhe këshilltarët e opozitës kanë kundërshtuar prerjen e pemëve, duke e cilësuar si një vendim të dëmshëm për ambientin dhe pa një studim urbanistik të nevojshëm për zonën.
Operacioni për lirimin e hapësirave publike që ka nisur prej dy javësh, përfshin heqjen e tendave dhe prerjen e pemëve që ndodhen në këto hapësira. Opozita lokale ka ngritur shqetësimin e parë duke e quajtur këtë veprim të papërgjegjshëm dhe të pamenduar. Ata argumentojnë se këto pemë janë mbjellë nga vetë pushteti lokal 30 vite më parë dhe se nuk ka asnjë studim urban të realizuar për zonën duke kërkuar që procesi të pezullohet deri në vlerësimin e nevojshëm.
Situata ka krijuar tensione në qytet, ndërkohë që akoma nuk ka një vendim përfundimtar nga autoritetet për vazhdimin e aksionit.
E diplomuar në Fakultetin e Gazetarisë dhe Komunikimit në Bukuresht, në vitet 1998–2003, Marsela Topi ka ndërtuar një karrierë të gjatë dhe të qëndrueshme në fushën e medias, duke kontribuar në radio, televizione lokale dhe qendrore.
Me një përkushtim të vazhdueshëm ndaj informimit të saktë dhe profesional, ajo njihet për stilin e saj të matur, korrekt dhe të ndërtuar mbi parimin e objektivitetit gazetaresk.
Përvoja e saj shumëvjeçare është pasqyruar në mbulimin e ngjarjeve me rëndësi dhe në trajtimin e temave me ndjeshmëri publike, duke ruajtur gjithmonë integritetin dhe besueshmërinë si gazetare.
Komente