Përfundon operacioni "Fshesa" në Fier – Ja ndryshimet në drejtimin vendor

Operacioni "Fshesa" ka përfunduar në qarkun e Fierit pas një procesi të detajuar monitorimi dhe vlerësimi të performancës në punë. Si rezultat i këtij procesi, vetëm 7 drejtues të njësive administrative kanë mundur të ruajnë pozitat e tyre, ndërkohë që 6 zyrtarë të tjerë dhe 1 drejtues rajoni janë larguar nga detyra dhe janë zëvendësuar me emra të rinj.

Drejtuesit e rinj të emëruar pas analizës
Në kuadër të këtij procesi, janë emëruar drejtues të rinj për disa njësive administrative në Fier:

Kleo Muhametaj – Njësia Administrative Dermenas

Ilir Meçe – Njësia Administrative Libofshë

Eugent Gremi – Njësia Administrative Levan

Emiliano Braka – Njësia Administrative Frakull

Indrit Zeqo – Njësia Administrative Mbrostar

Drejtuesit që janë larguar nga detyra
Nga ana tjetër, 6 drejtues të njësive administrative dhe një drejtor rajoni janë larguar nga detyra dhe janë zëvendësuar. Ata janë:

Kadri Frasko – Dermenas

Themie Doko – Libofshë

Ahmet Brahaj – Levan

Dashnor Troka – Frakull

Shpëtim Gremi – Mbrostar

Drejtuesit që vijojnë detyrën
Pas një vlerësimi të thelluar të performancës, disa drejtues kanë ruajtur pozitat e tyre dhe do të vijojnë detyrën. Ata janë:

Ferdinant Korçari – Njësia Administrative Cakran

Zenel Selimaj – Njësia Administrative Portëz

Erald Qirio – Njësia Administrative Qendër

Aleksandër Kola – Njësia Administrative Topojë

Lëvizjet në rajone
Përveç ndryshimeve në nivelin e njësive administrative, janë bërë lëvizje edhe në drejtoritë rajonale. Bilbil Çela largohet nga Rajoni 4, dhe është zëvendësuar nga Albions Proko. Ndërkohë, Arti Sollaku (Rajoni 2), Erson Goga (Rajoni 3) dhe Ermelinda Çepele (Rajoni 4) do të vijojnë të ushtrojnë detyrën.

Riorganizimi i administratës vazhdon
Të gjitha emërimet e reja janë bërë në koordinim me drejtuesen politike të qarkut dhe strukturat vendimmarrëse të Partisë Socialiste. Ky proces është pjesë e një fushate më të gjerë për reformimin e administratës vendore dhe përmirësimin e shërbimeve për qytetarët. Sipas paralajmërimeve të bëra në nivel kombëtar, priten ndryshime të tjera në bashki, të cilat do të synojnë një administratë më të efektshme dhe të përgjegjshme.