Nuk priti zjarrfikësit – Polici 26-vjeçar hyn mes flakëve dhe shpëton të plagosurit

Ky është polici hero që shpëtoi jetë mes flakëve në Fier

Një akt trimërie dhe humanizmi u shënua pasditen e djeshme në vendin e quajtur “Qafa e Koshovicës”, ku një aksident i rëndë mund të kishte përfunduar në tragjedi pa ndërhyrjen e shpejtë të një polici të qarkullimit.

26-vjeçari Klajdi Mustaj, prej 18 muajsh pjesë e Policisë së Fierit dhe vetëm 2 muaj në shërbimin e qarkullimit rrugor, u gjend rastësisht pranë vendit të ngjarjes. Një automjet kishte humbur kontrollin, ishte përmbysur dhe kishte mbetur i bllokuar në anë të rrugës, me katër persona të plagosur brenda. Situata u bë edhe më e rrezikshme kur nga mjeti filloi të dilte tym i dendur, duke rrezikuar shpërthim.
Pa menduar dy herë, Klajdi u hodh në veprim. Ai nxitoi drejt automjetit, i ndihmoi të plagosurit të dilnin dhe, kur pa se koha ishte e pakët, mori në krahë një prej tyre dhe e largoi në një zonë të sigurt. Gjatë ndërhyrjes, edhe vetë pësoi lëndime në këmbë, por nuk u ndal derisa të gjithë u nxorën nga rreziku.
I ndodhur në vendin e aksidentit në momentin e duhur, ai nuk priti mbërritjen e zjarrfikëses, por ndërhyri menjëherë, duke nxjerrë nga makina e përfshirë nga flakët katër personat e bllokuar brenda.

Aksidenti i rëndë u regjistrua në zonën e Qafë Koshovicës, ku një automjet tip “Benz” humbi kontrollin, u përplas me një pishë dhe u përmbys në rrugë, duke shpërthyer në flakë.
Një qytetar ka filmuar momentin kur efektivi i policisë hyri mes flakëve dhe arriti të shpëtojë të gjithë pasagjerët, duke shmangur një tragjedi të madhe. Sipas dëshmive, falë ndërhyrjes së menjëhershme të tij, të plagosurit u shpëtuan nga vdekja e sigurt.

Ky gjest i guximshëm tregon fytyrën e vërtetë të një polici që nuk e sheh uniformën thjesht si punë, por si mision për të mbrojtur jetën e qytetarëve. Veprime të tilla janë shembull frymëzimi për shoqërinë dhe një arsye e fortë që institucioni ku ai shërben ta vlerësojë publikisht.

Në një kohë kur shpesh flitet për kritika ndaj sistemit, është e rëndësishme të nxjerrim në pah figurat e ndritura, si Klajdi Mustaj, që me guximin dhe humanizmin e tij dëshmoi se heronjtë nuk janë vetëm në filma – ata ecin mes nesh, të gatshëm të sakrifikojnë për jetën e tjetr