Kryeministri Edi Rama ka reaguar sërish për kërkesën që ka çuar në Gjykatën Kushtetuese për pezullimin e Belinda Ballukut.
Në një video-mesazh në Facebook, Rama i ka qëndruar deklaratave të dhëna më herët, duke theksuar se pezullimi i një ministri është absurd si koncept, pasi krijon një bllokim të plotë në zinxhirin vendimmarrës të institucioneve që ai ministër mbulon.
Rama u shpreh:
“Shembujt që unë sjell, i sjell për të thënë sa i tepërt është pezullimi i një ministri. Ministri i pezulluar jo vetëm që nuk firmos dot vetë asgjë, por bën që askush tjetër të mos marrë dot vendim dhe të firmosë. Ndaj edhe është absurd si koncept, sepse është bllokim i krejt zinxhirit vendimmarrës për sektorët që ministri mbulon.”
Ai shtoi se ky bllokim ka prekur edhe marrëveshje të rëndësishme:
“Ndër gjërat që janë bllokuar është edhe marrëveshja me Kanadanë për fluturimet ajrore. Por me 35 vendimet e tjera të qeverisë si do ja bëjmë?”
Dea Hasanaj është Drejtore e Burimeve Njerëzore, Administratës dhe Programacionit në Blu TV. Me formim juridik, ajo koordinon funksionimin organizativ të televizionit, menaxhon stafin dhe siguron zbatimin e standardeve editoriale.
Përveç detyrës drejtuese, Dea është edhe autore dhe shkrimtare opinioni, e njohur për analizat e saj mbi çështje sociale, kulturore dhe mediatike.
Ajo përfaqëson institucionin pranë palëve të treta, dhe kujdeset për ecurinë e bashkëpunimit të brendshëm.
Roli i saj është thelbësor për funksionimin efikas dhe identitetin editorial të Blu TV
Komente