Një ngjarje e rëndë ka ndodhur ditën e djeshme në qytetin e Vlorës, në zonën e njohur të Skelës, ku një kamarier i ri është dhunuar brutalisht gjatë orarit të punës, në ambientet e një hoteli me frekuentim të lartë nga qytetarë vendas dhe të huaj.
Sipas burimeve dhe pamjeve të siguruara nga vendngjarja, dy individë, Ardian Isufi, ish-shef i qarkullimit rrugor të Vlorës dhe Leart Bimo, një individ me precedent të mëparshëm, kanë ushtruar dhunë fizike dhe verbale ndaj kamarierit për një keqkuptim të vogël në porosi. Ngjarja ndodhi në prani të klientëve, të cilët, të tronditur, janë larguar menjëherë nga lokali, duke lënë ambientin bosh.
Dëshmitarët tregojnë se fillimisht, Ardian Isufi, i cili ndodhej jashtë detyrës dhe mbante postin e nënkomisarit dhe Oficerit të Policisë në Komisariatin e Policisë Kufitare Dibër, ka ndërhyrë me tone kërcënuese dhe ka kontaktuar fizikisht kamarierin, duke përshkallëzuar më pas dhunën. Sipas dëshmive, pas ndërhyrjes së Isufit, Leart Bimo ka vazhduar me goditje të shumta ndaj kamarierit, duke e rrezikuar seriozisht shëndetin e djalit.
Policia ka nisur procedurën ligjore dhe po vazhdon hetimet për të sqaruar plotësisht rrethanat e ngjarjes dhe përgjegjësitë e individëve të përfshirë.
Ky incident ka tronditur qytetin e Vlorës dhe mbarë vendin duke shkaktuar një reagim të fortë nga opinioni publik për dhunën që ka ndodhur në një ambient të hapur dhe të frekuentuar nga turistë dhe qytetarë.
Dea Hasanaj është Drejtore e Burimeve Njerëzore, Administratës dhe Programacionit në Blu TV. Me formim juridik, ajo koordinon funksionimin organizativ të televizionit, menaxhon stafin dhe siguron zbatimin e standardeve editoriale.
Përveç detyrës drejtuese, Dea është edhe autore dhe shkrimtare opinioni, e njohur për analizat e saj mbi çështje sociale, kulturore dhe mediatike.
Ajo përfaqëson institucionin pranë palëve të treta, dhe kujdeset për ecurinë e bashkëpunimit të brendshëm.
Roli i saj është thelbësor për funksionimin efikas dhe identitetin editorial të Blu TV
Komente