Një rimorkio kamioni ka marrë flakë këtë mëngjes përgjatë autostradës Vlorë-Fier në afërsi të fshatit Panaja. Drejtuesi i kamionit ka vënë re tym në pjesën e gomave të rimorkios, e cila po transportonte një ngarkesë. Menjëherë pas njoftimit të zjarrfikësve, ai ka ndaluar kamionin dhe ka shkëputur rimorkion, duke parandaluar që flakët të përhapen në pjesët tjera të kamionit, përfshirë depozitën e karburantit që mund të rrezikonte shpërthim.
Zjarri ka shpërthyer në gomën e rimorkios por falë ndërhyrjes së shpejtë të zjarrfikësve të Vlorës flakët janë shuar dhe është shmangur përhapja e mëtejshme. Dyshohet se shkaku i zjarrit ka qenë tej-nxehtësia e frenave të rimorkios, të cilat kanë shkaktuar ndezjen e gomave.
Ndërkohë, gjatë ndërhyrjes ka pasur një bllokim të rëndë të trafikut në rrugë, por falë veprimeve të shpejta të forcave zjarrfikëse, situata është menaxhuar dhe nuk ka pasur pasoja të mëtejshme. Zjarri është lokalizuar dhe trafiku ka rifilluar normalisht pas pak minutash.
Elton Nika është gazetar i njohur nga Vlora, me një karrierë të gjatë në raportimin e lajmeve lokale dhe kombëtare. Aktualisht, ai kontribuon në Blu TV me kronika nga terreni dhe emisione informuese.
Komente