Old Trafford u mbush me entuziazëm për të pritur prezantimin e blerjeve të reja të Manchester United: Matheus Cunha, Diego Leon, Bryan Mbeumo dhe Benjamin Sesko. Megjithatë, ndeshja miqësore ndaj Fiorentinës tregoi se transformimi i skuadrës do të kërkojë kohë.
Në takimin e fundit të parasezonit, United u detyrua të fitonte me penallti pas barazimit 1-1, me Kobbie Mainoo që realizoi goditjen vendimtare. Mbeumo u spikati më shumë nga afrimet e reja, me krosimet e tij të sakta me të majtën, ndërsa Rasmus Hojlund mbeti sërish në stol. Sesko ndoqi sfidën nga tribuna.
Fiorentina shënoi e para në minutën e 8-të me Simon Sohm, ndërsa barazimi erdhi nga një autogol i Robin Gosens. Portieri David De Gea, në rikthimin e tij në Old Trafford, u prit me duartrokitje të gjata nga tifozët dhe mori pjesë në një prezantim të shkurtër para ndeshjes.
Pjesa e dytë u zhvillua me pak raste të rrezikshme, ndërsa gabimi i vetëm në penallti i takoi Fabiano Parisi të Fiorentinës, duke i dhënë fitoren United.
Komente