Në vijim të kontrolleve të përshpejtuara dhe operacioneve të ndërmarra për kapjen e shtetasve të shpallur në kërkim, Policia e Lushnjës, në bashkëpunim me Komisariatin e Policisë Sarandë, ka finalizuar një operacion të suksesshëm.
Gjatë operacionit, janë ndaluar dy shtetas të shpallur në kërkim:
R. C., 40 vjeç – Ky shtetas ishte shpallur në kërkim për tentativën e kryerjes së marrëdhënieve seksuale me dhunë, ndaj një 35-vjeçareje, ngjarje që dyshohet se ka ndodhur më 6 korrik 2025. Policia ka zbuluar dhe arrestuar R. C. pas hetimeve intensive dhe informacioneve të siguruara në rrugë informative.
O. D., 34 vjeç – I shpallur në kërkim për veprën penale të "Vjedhjes". Ai është akuzuar për pjesëmarrje në një vjedhje të kryer në qershor të këtij viti në një biznes në fshatin Savër, ku bashkë me një tjetër shtetas, E. P., i cili u arrestua më 28 qershor 2025, kanë vjedhur 4 motomjete elektrike dhe sende të tjera.
Të dy shtetasit e arrestuar janë dorëzuar në Komisariatin e Policisë dhe materialet përkatëse u referuan Prokurorisë së Fierit për veprime të mëtejshme.
Ky është një tjetër hap i rëndësishëm në luftën kundër krimit, ku Policia e Lushnjës dhe partnerët e saj vazhdojnë të demonstrojnë angazhim dhe përkushtim në zbatimin e ligjit dhe sigurinë e qytetarëve.
E diplomuar në Fakultetin e Gazetarisë dhe Komunikimit në Bukuresht, në vitet 1998–2003, Marsela Topi ka ndërtuar një karrierë të gjatë dhe të qëndrueshme në fushën e medias, duke kontribuar në radio, televizione lokale dhe qendrore.
Me një përkushtim të vazhdueshëm ndaj informimit të saktë dhe profesional, ajo njihet për stilin e saj të matur, korrekt dhe të ndërtuar mbi parimin e objektivitetit gazetaresk.
Përvoja e saj shumëvjeçare është pasqyruar në mbulimin e ngjarjeve me rëndësi dhe në trajtimin e temave me ndjeshmëri publike, duke ruajtur gjithmonë integritetin dhe besueshmërinë si gazetare.
Komente