Jetoj pa ujë dhe mes minjve!” Italiani Davide Pecorelli tregon për ditët e tij në burgun 313 në Tiranë: Ndaj qelinë me tetë veta...

Gazetari dhe miku i Davide Pecorellit, Fabrizio Paladino, ka rrëfyer për mediat italiane bisedën që ka bërë së fundmi me të, i cili prej majit të këtij viti është duke vuajtur dënimin e tij në ambientet e burgut “313”.
Ai ka bërë me dije se gjatë kësaj telefonate, miku i tij e ka vënë në dijeni se kishte hyrë në grevë urie dhe ishte drejtuar me një letër të shkruar me dorë Gjykatës dhe Konsullatës italiane, lidhur me kushtet e rënda të paraburgimit, ku ishte detyruar që të ndante qelinë 16 metra katrorë me tetë persona të tjerë, pa ujë të rrjedhshëm dhe e mbushur me minj.
“Pecorelli kishte hyrë në grevë urie, duke denoncuar me një letër të shkruar me dorë dhe drejtuar Gjykatës dhe Konsullatës italiane kushtet e rënda të paraburgimit, duke ndarë një qeli 16 metra katrorë me tetë persona të tjerë, pa ujë të rrjedhshëm dhe e mbushur me minj.
‘Deri tani nuk kam mundur, bashkë me avokatët e mi italianë dhe shqiptarë, të paraqes ankim, për shkak të mungesës së motivimit të vendimit të Gjykatës së Shkodrës’, e cila e ka dënuar me 4 vite burg për mashtrim, zjarrvënie të qëllimshme dhe kalim të paligjshëm të kufirit shtetëror”, shkruan Paladino, duke theksuar më tej se më në fund një rreze shprese erdhi për Pecorellin, ku Gjykata e Apelit në Shqipëri publikoi më në fund motivimin e vendimit të dënimit, duke i mundësuar atij të paraqesë ankim në Gjykatën e Lartë.
Ndërkohë, Avokati i Popullit është përfshirë në çështje pas interesimit të mediave italiane dhe ka ndërhyrë me një letër zyrtare për publikimin e akteve.
“Përfshirja e Avokatit të Popullit dhe vëmendja e mediave italiane ndikuan në këtë kthesë pozitive. Tani Pecorelli shpreson të përfitojë një masë më të butë në pritje të gjyqit të dytë. Ai raporton marrëdhënie të mira me të burgosurit dhe ndan ushqimin me ta, por thekson se kushtet në burg janë shumë të vështira. Një ankesë zyrtare për këto kushte është dorëzuar nga një shoqatë pranë Ministrisë së Drejtësisë”, shkruan ai më tej, teksa gjithashtu shton se miku i tij i tha se gëzon një raport të mirë me të burgosurit e tjerë në Shqipëri.
Reagimi i plotë i mikut të Davide Pecorellit, Fabrizio Paladino:
Rreth orës 9 të mëngjesit të së premtes bie telefoni. Numër i panjohur, por, siç ndodh shpesh, edhe nga kureshtja, përgjigjja nuk mungon. Alo? Nga ana tjetër dëgjohet: ‘Jam i burgosuri numër 234’. Zëri është ai i Davide Pecorellit. Davide, si je? ‘Gjithsesi mirë, edhe pse jua kam përshkruar tashmë kushtet në burgun 313 të Tiranës’.
Nga burgu ku ndodhet i mbyllur që nga data 8 maj, ish-arbitri i futbollit dhe sipërmarrësi nga San Giustino ka mundësi të kontaktojë çdo ditë me familjarët (gruan, katër fëmijët dhe babanë) dhe, në këtë rast, edhe me mikun gazetar. ‘Kam vendosur të ndërpres grevën e urisë pas dy javësh, vazhdon, kam humbur 6 kilogramë’.
Një kthesë, apo më mirë, një rreze e parë shprese, ka ardhur kur Gjykata e Apelit në Shqipëri më në fund ka depozituar motivimin e vendimit të dënimit, duke i lejuar kështu të paraqesë ankim në Gjykatën e Lartë.
Pecorelli kishte hyrë në grevë urie, duke denoncuar me një letër të shkruar me dorë dhe drejtuar Gjykatës dhe Konsullatës italiane kushtet e rënda të paraburgimit, duke ndarë një qeli 16 metra katrorë me tetë persona të tjerë, pa ujë të rrjedhshëm dhe e mbushur me minj.
‘Deri tani nuk kam mundur, bashkë me avokatët e mi italianë dhe shqiptarë, të paraqes ankim, për shkak të mungesës së motivimit të vendimit të Gjykatës së Shkodrës’, e cila e ka dënuar me 4 vite burg për mashtrim, zjarrvënie të qëllimshme dhe kalim të paligjshëm të kufirit shtetëror.
Përfshirja e Avokatit të Popullit, që sipas tij e ka marrë seriozisht çështjen, pasi e ka parë lajmin në mediat italiane, ka qenë një tjetër pikë kthese. Organizata ka dërguar një letër zyrtare me postë rekomande Gjykatës së Apelit, duke kërkuar publikimin e akteve, gjë që më në fund ndodhi.
‘Tani do të mund të formalizoj ankimimin në Gjykatën e Lartë: qëllimi është të marr një masë më pak kufizuese në pritje të gjyqit të shkallës së dytë, që është caktuar për më 18 shtator’. ‘Po, kam filluar të ushqehem sërish, tha ai, kam humbur gjashtë kilogramë, por tani mund të shpresoj të paktën për diçka të mirë pas gati tre muajsh kalvari’.
Davide tregon gjithashtu se ka marrëdhënie shumë të mira me të burgosurit e tjerë. ‘Më trajtojnë mirë, çdo mbrëmje u gatuaj makaronat: përpiqemi të mbijetojmë, por kushtet janë ekstreme’.
Ish-arbitri ka bërë të ditur gjithashtu se shoqata ka kryer një inspektim në qelinë ku ndodhet dhe ka paraqitur një ankesë pranë Ministrit të Drejtësisë në Shqipëri për kushtet në burg.
Në janar, katër vite më parë, Pecorelli kishte sajuar vdekjen e tij, duke i vënë zjarrin një makine me qira në fshatin Gjegjan, në Pukë.
Nëntë muaj më vonë u gjet si i mbijetuar në një gomone pranë ishullit të Montekristos, ku ishte nisur për të kërkuar thesarin e famshëm. Miratimi për ekstradim kishte ardhur nga Gjykata e Apelit. Më pas, erdhi edhe vendimi përfundimtar, me konfirmimin nga ministri italian i Drejtësisë, Carlo Nordio.