Hajdutët shkatërrojnë dyqanin në kërkim të Kukullave Labubu

Një grup hajdutësh ka grabitur një dyqan në Los Angeles dhe ka marrë një pjesë të madhe të lodrave më të kërkuara të verës pasi thyen dyert e dyqanit gjatë natës, ka njoftuar dyqani në Instagram.

''One Stop Sales'' në zonën e La Puentes tha se katër burra thyen në dyqan dhe vodhën "të gjithë inventarin" e dyqanit duke përfshirë edhe shumë kukulla Labubu – kukullat e famshme me pamje si gremlina, me dhëmbë të mëdhenj, që kanë marrë një popullaritet të jashtëzakonshëm këtë verë.

Departamenti i Sherifëve të Qarkut të Los Angeles tha se oficerët u përgjigjën në një rast vjedhjeje në bllokun 600 të Glendora Avenue në La Puente në lindje të Los Angeles.

"Sistemi i mbledhjes së disa kutive të lodrave Labubu është vjedhur, me një vlerë prej rreth shtatë mijë dollarë," tha departamenti i sherifëve në një deklaratë.

Hajdutët ishin duke përdorur një Toyota Tacoma të vjedhur e cila u gjet pak kohë pas vjedhjes, sipas departamentit të sherifëve.

One Stop Sales ka publikuar në Instagram një video nga kamerat e sigurisë në dyqan, ku duken katër burra të maskuar që hyjnë në dyqan, ndërkohë që dëgjohet edhe thyerja e xhamave. Ata mund të shihen duke marrë kutitë e lodrave nga dyqani.

"Na thanë se u vodhën dhe morën të gjithë inventarin tonë dhe shkatërruan dyqanin, ende jemi në tronditje. Ju lutemi, shpërndani këtë postim dhe na ndihmoni të gjejmë këta hajdutë!" shkruan One Stop Sales në Instagram.

Sipas faqes së dyqanit, disa nga lodrat Labubu më të shtrenjta shiten për 500 dollarë. Një koleksion Labubu që doli pranverën e kaluar ishte në shitje për 27.99 dollarë por tregu i lodrave të koleksionuesve, veçanërisht këtë verë ka qenë shumë i nxehtë.

Lodrat Labubu janë prodhuar dhe shitur ekskluzivisht nga Pop Mart, një shitës i njohur kinez i lodrave koleksionuese "blind box". Kur blerësit blejnë një kuti, ata nuk e kanë idenë se cilin dizajn ose ngjyrë Labubu do të marrin derisa ta hapin atë.

Nuk është e qartë se sa Labubu janë vjedhur nga hajdutët. Dyqani kishte promovuar inventarin e tij në rrjetet sociale disa ditë përpara se të ndodhte vjedhja.