Në përballje me situatën e zjarreve në jug të vendit, Forca Ajrore ka intensifikuar ndjeshëm monitorimin ajror duke përdorur dronë të teknologjisë së avancuar. Droni Bayraktar TB2, i nisur nga Baza Ajrore e Kuçovës, po transmeton në kohë reale të dhëna të detajuara mbi përhapjen e flakëve në zonat e rrezikuara.
Sipas Ministrisë së Mbrojtjes, ky sistem i monitorimit është në funksion 24 orë në ditë dhe shërben për:
Parandalimin e përhapjes së zjarreve,
Reagimin e shpejtë të helikopterëve dhe forcave tokësore,
Sinjalizimin e autoriteteve në rastet kur evidentohen zjarrvënie të dyshuara qëllimisht.
Përdorimi i teknologjisë ajrore po ndihmon ndjeshëm në menaxhimin efikas të emergjencës, duke mbrojtur jetën e qytetarëve, pasuritë dhe mjedisin natyror.
Autoritetet vijojnë të ndjekin me vëmendje situatën në terren, ndërsa Forcat e Armatosura janë në gatishmëri të plotë për ndërhyrje të menjëhershme në rast nevoje.
Komente