Pas një hetimi të kujdesshëm dhe operacioni policor të koduar "Në gjurmë" policia e Vlorës ka arrestuar një prej autorëve të dyshuar të vrasjes së shtetasit R. H., 58 vjeç për ngjarjen e ndodhur në prill të vitit 2025.
Operacioni, i zhvilluar nga Seksioni për Hetimin e Krimeve të Rënda në DVP Vlorë në bashkëpunim me Drejtorinë e Forcës së Posaçme Operacionale dhe Prokurorinë pranë Gjykatës së Shkallës së Parë të Vlorës çoi në lokalizimin dhe arrestimin e shtetasit K. B , alias A. G., 42 vjeç i dyshuar si bashkëautor në veprën penale "Vrasje me paramendim" kryer në bashkëpunim.
Ngjarja ka ndodhur mëngjesin e datës 27 prill 2025 rreth orës 06:20 pranë Poliklinikës së Vlorës ku shtetasi R. H. u vra me armë zjarri.
Shtetasi K. B. është një individ me të kaluar kriminale i dënuar më parë për armëmbajtje pa leje dhe pjesë e një grupi kriminal që vepron në fushën e krimeve të rënda.
Në vijim të hetimeve, Gjykata e Shkallës së Parë të Vlorës ka caktuar masën e sigurisë “arrest në burg” për K. B. Ndërkohë, policia vijon veprimet për kapjen e bashkëpunëtorëve të tjerë të dyshuar të përfshirë në këtë ngjarje të rëndë kriminale.
Materialet procedurale janë dorëzuar në Prokurorinë pranë Gjykatës së Shkallës së Parë të Vlorës, e cila po zhvillon hetimet përkatëse.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente