Pas vrasjes së Anesti Ramës, arrestohet edhe nëna e viktimës, Valbona Rama, për përfshirje në krimin tragjik.
Policia e Fierit ka arrestuar Valbona Ramën, nënën e 26-vjeçares Emanilda Rama, e cila u arrestua një ditë më parë për vrasjen e babait të saj, Anesti Ramës. Ky zhvillim ka shtuar kompleksitetin e hetimeve, ndërkohë që të dhënat e reja dalin në dritë rreth kushteve të jetesës dhe dhunës që Anesti Rama ka përjetuar në familjen e tij.
Burime policore bëjnë me dije se Anesti Rama ka qenë i dhunuar sistematikisht nga e bija dhe bashkëshortja e tij, Valbona Rama. Ata kanë nxjerrë atë të jetonte në një dhomë të vecuar, jashtë shtëpisë, dhe ai kishte shpesh shenja dhune në fytyrë, të cilat ai i justifikonte me "incidente". Megjithatë, ai nuk ka treguar asnjëherë të vërtetën për atë që po ndodhte në shtëpinë e tij.
Një informacion i rëndësishëm nga hetimet tregon se Anesti Rama, 56 vjeç, ishte punëtor në një fermë blegtorale në zonë. Sipas burimeve të afërta, ai kishte shkuar shpesh në punë me shenja dhune dhe kishte arsyetuar se ato i ishin shkaktuar nga "incidente", por në të vërtetë ato ishin pasojë e keqtrajtimit në familje.
Fqinjtë e familjes Rama në fshatin Frashër gjithashtu konfirmojnë se Anesti Rama jetonte veçmas nga bashkëshortja dhe e bija, por në të njëjtin oborr. Ai qëndronte në një dhomë të vecuar, që shërbente si kuzhinë, e cila ishte ndarë nga banesa ku jetonin Valbona dhe Emanilda.
Në hetimet e mëtejshme, u zbulua se Emanilda dhe Valbona Rama kishin vrarë Anesti Ramën duke e mbytur me tel elektrik. Pas vrasjes, ato tentuan ta inskenonin ngjarjen si një aksident, duke u munduar të fshehin krimin.
Policia e Fierit, pas një operacioni të mirëorganizuar, ka arrestuar Valbona Ramën, e cila dyshohet për bashkëpunim në vrasjen e bashkëshortit të saj, ndërsa Emanilda Rama kishte pranuar autorësinë e krimit disa orë pas ngjarjes.
Hetimet për këtë ngjarje tragjike janë ende në vazhdim, ndërkohë që materialet procedurale janë referuar Prokurorisë së Fierit për veprime të mëtejshme. Vrasja ka tronditur komunitetin lokal, ndërsa autoritetet po bëjnë të ditur se do të mbajnë përgjegjësi të plota për zbardhjen e të vërtetës.
E diplomuar në Fakultetin e Gazetarisë dhe Komunikimit në Bukuresht, në vitet 1998–2003, Marsela Topi ka ndërtuar një karrierë të gjatë dhe të qëndrueshme në fushën e medias, duke kontribuar në radio, televizione lokale dhe qendrore.
Me një përkushtim të vazhdueshëm ndaj informimit të saktë dhe profesional, ajo njihet për stilin e saj të matur, korrekt dhe të ndërtuar mbi parimin e objektivitetit gazetaresk.
Përvoja e saj shumëvjeçare është pasqyruar në mbulimin e ngjarjeve me rëndësi dhe në trajtimin e temave me ndjeshmëri publike, duke ruajtur gjithmonë integritetin dhe besueshmërinë si gazetare.
Komente