Një 44-vjeçar me shtetësi shqiptare ka ekzekutuar me çifte një 51-vjeçar, baba i një fëmije të mitur, i cili dyshohet të ketë qenë bashkëshorti i të dashurës së autorit.
Viktima ishte kryeplak i fshatit. Sipas të dhënave paraprake, dyshohet se krimi ka pasur prapaskenë erotike dhe nuk lidhet me detyrën e viktimës. Dyshimet janë se autori kishte një lidhje intime me bashkëshorten e viktimës dhe ky ka qenë shkaku i konfliktit mes tyre.
Burimet bëjnë me dije se autori i kishte ngritur pritë viktimës dhe, sapo ky u afrua me automjetin e tij, e ka qëlluar me çifte, të cilën e mbante me leje, duke e lënë të vdekur në vend.
Automjeti i viktimës ka përfunduar në një greminë, ku është gjetur më pas nga banorët e zonës.
Pak orë pas krimit, autori ka telefonuar shërbimet e policisë, duke pranuar autorësinë e ngjarjes. Hetimet për zbardhjen e plotë të rrethanave vijojnë.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente