Binjakëzimi Vlorë-Benevento, Një projekt drejt përfundimit - Kryebashkiaku Dredha ka marrë miratimin për propozimin e tij

Ditën e djeshme më 7 Gusht 2025 është dërguar me email nga kryetari i Bashkisë Benevento, I Nderuari Clemente Mastella, në adresën zyrtare të kryetarit të Bashkisë së Vlorës, Ermal Dredha, dhe të gjithë atyre që janë pjesë e projektit të vëllazërimit mes dy qyteteve: Valona-Benevento. Nga ky email del se pas miratimit në Këshillin Bashkiak në shkurt mbetet vetëm miratimi i Këshillit të Bashkisë së Beneventos. Këtu përfundojnë procedurat e këtij institucioni. Tani pritet vetëm miratimi i Ministrisë së Brendshme.

Ndërkohë janë përcaktuar përfaqësuesit që do të marrin pjesë në projekt: Këshilltari komunal, av. Giovanni Zanone dhe Koordinatori i projektit të binjakëzimit, këshilltari me mandat për marrëdhëniet me Italinë, dr. Luigi De Lucia.

Në letrën e tij, kryetari i Bashkisë së Beneventos shpreh “vlerësimin e sinqertë për nismën e lavdërueshme për të promovuar një binjakëzim mes Komunës së Beneventos dhe Komunës së Vlorës”. [...] “Është hartuar, pra, propozimi i Vendimit të Këshillit Komunal me të cilin, ndër të tjera, do të miratohet skema e marrëveshjes së binjakëzimit i cili përmban qëllimet përkatëse dhe përshkrimin e aktiviteteve të bashkëpunimit, e cila duhet, fillimisht, të përcaktohet dhe miratohet së bashku me këtë Komunë [...]”.

Tani pritet që kryebashkiaku i Vlorës, Ermal Dredha, të procedojë në këtë drejtim dhe të japë përgjigjen e kërkuar nga Komuna e Beneventos, ashtu siç është kërkuar.

Marrëdhëniet institucionale të bashkëpunimit që do të marrin formë, pasi të gjitha palët institucionale të kenë nënshkruar dokumentin, do të mundësojnë zhvillimin e lidhjeve që mund të favorizojnë bashkëpunimin institucional mes dy qyteteve, të cilat, për nga afërsia gjeografike dhe veçoritë historike, janë të destinuara për turizëm.