Ish-olimpiani norvegjez Audun Groenvold ka ndërruar jetë pas një goditjeje nga rrufeja, njoftoi të mërkurën Federata Norvegjeze e Skiut. Groenvold ishte 49 vjeç dhe fitoi një medalje bronzi në Lojërat Olimpike të Vancouver 2010.
Federata tha se "me shumë trishtim kemi marrë lajmin për vdekjen e parakohshme të Audun Groenvold." Ai u godit nga rrufeja gjatë një udhëtimi në një kabinë dhe u transportua menjëherë në spital për trajtim, por fatkeqësisht ka ndërruar jetë të martën mbrëma.
Groenvold ishte një anëtar i ekipit kombëtar norvegjez të skit alpin para se të kalonte në skikros dhe freestyle. Ai ka një vend në podium në Kupën e Botës të Skive Alpin ku është renditur i treti në një disiplinë shkëputje në Sierra Nevada, Spanjë, në vitin 1999.
Pasi përfundoi karrierën e tij pas Lojërave Olimpike 2010 ai u bë trajner i ekipit kombëtar dhe komentator sportiv.
"Skijimi norvegjez ka humbur një figurë të shquar i cili ka pasur një ndikim të madh në të dy komunitetet, atë Alpine dhe freestyle," tha presidentja e federatës Tove Moe Dyrhaug duke shtuar se vdekja e tij ka krijuar një "humbje të madhe".
Komente