Arsimi profesional në vend ka shënuar një nivel historik për vitin akademik 2024-2025, me 19% të nxënësve të arsimit të mesëm të regjistruar në këtë sistem – përqindja më e lartë e 25 viteve të fundit.
Sipas Agjencisë Kombëtare të Punësimit dhe Aftësive (AKPA), ky rezultat është një hap i rëndësishëm drejt objektivit strategjik të qeverisë që deri në vitin 2030, 1 në 3 nxënës të ndjekë arsimin profesional.
Progresi është rezultat i reformave të vazhdueshme, që përfshijnë:
- Investime në infrastrukturë moderne dhe laboratorë të pajisur me teknologjinë më të fundit.
- Rritje të cilësisë mësimore përmes stafit pedagogjik të kualifikuar.
- Zgjerim të profileve të studimit sipas kërkesave të tregut të punës.
- Zhvillim të arsimit dual në bashkëpunim të ngushtë me bizneset.
Këto ndryshime po u ofrojnë të rinjve mundësi më të mëdha për përgatitje praktike dhe punësim të menjëhershëm, duke e kthyer arsimin profesional në një zgjedhje të parë për shumë prej tyre.
AKPA thekson se ky trend e forcon rolin e arsimit profesional si një rrugë e sigurt drejt integrimit të shpejtë në tregun e punës.
Komente