Antonio Maradona ka mbërritur në Vlorë me aktivitetin e tij "Al Sud – street food meridionale"

Po, Antonio, i quajtur kështu për aftësitë e tij në fushën e lojës që në rini, ka ardhur në Vlorë për të sjellë artin e street food-it të Jugut italian: atë napoletan që bashkohet me atë sicilian. Pikërisht mbrëmë, "Al Sud" hapi dyert për publikun vendas dhe për turistët që ndodhen aktualisht në qytet. Pas teatrit “Petro Marko” ndodhet ky kënd i vogël i Jugut, që të përçon aromën e dy traditave në një përzierje pasioni dhe shijesh.
Zgjedhja për të investuar përtej Adriatikut është fryt i dashurisë që bashkon burrë e grua në një tokë të ndërmjetme, Vlorën. Menuja ofron një bashkëjetesë shijesh ikonike nga të dyja traditat: arancini, kroketa, petulla me sardele, frittata, sanduiçë me qofte, caponata dhe shumë të tjera.
“Përzierja e shijeve të dy traditave popullore është një mënyrë për të ndarë artin kulinar tipik të Jugut – thotë Antonio. – Është mënyra jonë, pa pretendime, për t’i ofruar popullit shqiptar – që është njohës i mirë i shijeve – specialitetet që na kanë bashkuar në jetë, dhe jam i sigurt se do t’i vlerësojë.”
Antonio, Patrizia dhe Stefano, përveç mirësive që ofron menuja, japin me porosi edhe mundësinë për të shijuar produkte bulmeti: mozzarella nga qumështi i buallit kampan dhe shumë produkte të tjera të ngjashme.