Forca Detare shqiptare ka marrë pjesë në stërvitjen ndërkombëtare “ADRION LIVEX 25”, e zhvilluar në ujërat e Malit të Zi, ku anija “Oriku” u bashkua me forcat detare të gjashtë vendeve të rajonit të Adriatikut dhe Jonit.
Stërvitja “ADRION LIVEX” është një nismë e përvitshme që synon forcimin e bashkëpunimit, mirëkuptimit dhe ndërveprueshmërisë ndërmjet flotave detare të vendeve pjesëmarrëse. Kjo stërvitje fokusohet në skenarë të ndryshëm operativë që lidhen me garantimin e sigurisë detare në Adriatik dhe Jon.
Ministria e Mbrojtjes ka publikuar pamje nga zhvillimi i stërvitjes në det të hapur, ku anija shqiptare “Oriku” përfaqësoi me dinjitet Forcën Detare dhe angazhimin e Shqipërisë për sigurinë rajonale.
Pjesëmarrja në “ADRION LIVEX 25” është një tjetër dëshmi e përkushtimit të vendit tonë për të qenë pjesë aktive e bashkëpunimit ndërkombëtar në fushën e mbrojtjes dhe sigurisë detare.
Elton Nika është gazetar i njohur nga Vlora, me një karrierë të gjatë në raportimin e lajmeve lokale dhe kombëtare. Aktualisht, ai kontribuon në Blu TV me kronika nga terreni dhe emisione informuese.
Komente