Vendosja e dy termocentraleve lundruese në portin e Triportit në Vlorë ka shkaktuar reagime të forta nga aktivistët dhe ambientalistët, të cilët paralajmërojnë për rreziqe të mëdha mjedisore dhe ekonomike.
Sipas tyre, përdorimi i naftës së rëndë për prodhimin e energjisë nga këto anije mund të sjellë ndotje të lartë të ajrit dhe ujërave të Gjirit të Vlorës, duke kërcënuar biodiversitetin dhe turizmin në këtë zonë të njohur. Aktivistët e quajnë vendosjen e TEC-eve lundruese një "katastrofë të paralajmëruar", që mund të dëmtojë rëndë një nga perlat bregdetare të Shqipërisë.
Përveç pasojave mjedisore, ata theksojnë edhe barrën ekonomike që po shkaktojnë këto instalacione. Deri tani, TEC-et lundruese nuk kanë prodhuar asnjë njësi energjie, ndërsa shpenzimet për mirëmbajtjen, qiranë dhe karburantin arrijnë në miliona euro në vit. Aktivistët e cilësojnë këtë projekt si të dështuar, që rëndon buxhetin e shtetit dhe nuk i shërben interesit publik.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente