Policia e Vlorës ka intensifikuar aksionin për menaxhimin e trafikut dhe ndëshkimin e drejtuesve të mjeteve që shkelin Kodin Rrugor, veçanërisht për parkimet e gabuara në qendrat urbane. Aksioni ka për qëllim parandalimin e parkimeve të kundërligjshme dhe përmirësimin e lëvizshmërisë në qytet.
Nga data 11 deri më 14 korrik, janë vendosur gjithsej 576 gjoba për parkime të gabuara, ndërsa 163 makina janë ndëshkuar dhe janë larguar nga zonat e parkimit të gabuar me karrotrec. Aksioni ka qenë i përqendruar veçanërisht në zonën e Lungomares, ku janë evidentuar më shumë shkelje të parkimit nga drejtuesit e automjeteve.
Policia ka bërë të ditur se ky aksion do të vijojë çdo ditë, duke u shtrirë në të gjithë qytetin, dhe do të ketë masa të rrepta ndaj çdo drejtuesi mjeti që shkel ligjin. Ajo ka nënvizuar se qëllimi është që qytetarët të respektojnë rregullat e parkimit dhe të kontribuojnë në përmirësimin e lëvizshmërisë dhe sigurisë rrugore.
Për qytetarët e Vlorës, kjo do të thotë një periudhë më të vështirë parkimi, por gjithashtu edhe një qytet më të sigurt dhe më të rregullt në aspektin e trafikut.
Adriatik Golemaj, Drejtor Ekzekutiv i televizionit, ka 28 vite përvojë në media lokale dhe ndërkombëtare. Ka punuar si gazetar, redaktor dhe prezantues, si dhe si ndërmjetës për organizata mediatike të huaja. Ka drejtuar projekte komunikimi me publikun dhe median për kompani ndërkombëtare. Në rolin e tij aktual, ai garanton funksionimin e televizionit dhe përfaqëson institucionin në bashkëpunime strategjike.
Komente