Një aksident tragjik i Air India muajin e kaluar ka rindezur një debat të vjetër në industrinë e aviacionit mbi nevojën për të instaluar kamera video që monitorojnë veprimet e pilotëve për të plotësuar regjistruesit e zërit dhe të të dhënave të fluturimit të cilët përdoren tashmë nga hetuesit e aksidenteve.
Willie Walsh, kreu i International Air Transport Association dhe ish-pilot avioni tha të mërkurën në Singapor se ka një argument të fortë për instalimin e kamerave video në kabinën e pilotëve për të plotësuar regjistruesit e zërit dhe të dhënave të cilët ndihmojnë hetimet pas aksidenteve.
Ekspertët e aviacionit kanë thënë se një raport paraprak nga Byroja e Hetimit të Aksidenteve Ajrore të Indisë (AAIB) ngriti dyshime se njëri nga pilotët e fluturimit 171 të Air India mund të ketë ndërprerë furnizimin me karburant të motorëve të Boeing 787-8 menjëherë pas ngritjes, duke shkaktuar një situatë të pasigurt të pa shpëtueshme.
Aksidenti në Ahmedabad, Indi, vrau 241 nga 242 pasagjerët e bordit, si dhe 19 persona në tokë.
Sipas të dhënave të disponueshme deri tani Walsh tha se "është mjaft e mundur që një regjistrim video përveç regjistrimit të zërit do të ndihmonte ndjeshëm hetuesit në realizimin e këtij hetimi lidhur me çështjet e shëndetit mendor."
Mbështetësit e kamerave video në kabinën e pilotëve thonë se pamjet mund të plotësojnë boshllëqet që lënë regjistruesit e zërit dhe të dhënave ndërsa kundërshtarët argumentojnë se shqetësimet për privatësinë dhe keqpërdorimin e informacionit janë më të mëdha se përfitimet e mundshme për hetimet.
Një shembull tjetër ka ardhur nga hetuesit australianë të cilët përdorën pamje video për të zbuluar shkakun e shpërbërjes në ajër të helikopterit Robinson R66 në vitin 2023 i cili vrau pilotin vetëm pasagjerin në bord. Raporti përfundimtar i Australian Transport Safety Bureau (ATSB) tregoi se piloti ishte angazhuar me aktivitete që nuk kishin të bënin me fluturimin si përdorimi i telefonit celular dhe konsumimi i ushqimit dhe pijeve.
Në vitin 2000 Kryetari i Komisionit Kombëtar të Sigurisë në Transportin e SHBA-së (NTSB), Jim Hall kërkoi nga Administrata Federale e Aviacionit (FAA) që avionët komercialë të pajisen me regjistrues imazhi të kabinës së pilotëve pas aksidentit të fluturimit Egyptair 990 në vitin 1999 kur oficerët e parë qëllimisht e ranë avionin duke vrarë 217 pasagjerë.
Eksperti i sigurisë ajrore dhe ish-pilot komercial, John Nance u shpreh: "Në balancën mes privatësisë dhe sigurisë pesha bie te siguria pa ekuivok." Ai theksoi se mbrojtja e pasagjerëve është një detyrë e shenjtë.
Një tjetër ekspert i sigurisë ajrore, Anthony Brickhouse shprehu mbështetje për përdorimin e kamerave video por e kuptoi se pilota komercialë kanë shqetësime të vlefshme mbi këtë çështje.
Sipas tij, videoja e fluturimit 171 të Air India "do të kishte përgjigjur shumë pyetje".
Air India nuk ka komentuar ende mbi këtë çështje. Po ashtu, Byroja e Hetimit të Aksidenteve Ajrore të Indisë, e cila pritet të publikojë raportin përfundimtar brenda një viti nga aksidenti, nuk ka dhënë përgjigje për kërkesën e komentit.
Komente