Divjakë – Një aksident me pasojë vdekjen ka ndodhur mesditën e sotme në fshatin Kamenicë, në bashkinë Divjakë.
Sipas njoftimit zyrtar të policisë, rreth orës 12:30, një automjet tip “Benz”, me drejtues shtetasin R. Ç., është përplasur me një motorçikletë që drejtohej nga një 15-vjeçar.
Si pasojë e përplasjes fatale, adoleshenti ka ndërruar jetë në vend.
Drejtuesi i automjetit është shoqëruar në Komisariat dhe janë duke u kryer veprimet hetimore procedurale për zbardhjen e rrethanave të aksidentit.
Grupi hetimor ndodhet në vendngjarje dhe po punon për përcaktimin e shkakut të përplasjes tragjike.
BluTV do të sjellë informacionet më të fundit sapo të disponohen të dhëna zyrtare shtesë mbi ngjarjen.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente