Një aksident rrugor është regjistruar mbrëmjen e së martës në aksin Lushnje Berat, pranë fshatit Kasht-Bardhë, ku janë përfshirë dy automjete, një Mercedes dhe një Volkswagen.
Sipas informacionit paraprak nga policia, mjeti tip Mercedes, që udhëtonte nga Lushnja drejt Beratit, ka dalë nga korsia dhe është përplasur me automjetin Volkswagen. Pas përplasjes, Mercedes-i ka humbur kontrollin dhe ka përfunduar në trafikndarësen metalike anës rrugës.
Fatmirësisht, nga aksidenti nuk janë raportuar të lënduar. Të dy automjetet kanë pësuar dëmtime materiale, ndërsa dëshmitarë në vendngjarje kanë deklaruar se drejtuesi i mjetit Mercedes është larguar menjëherë pas përplasjes.
Policia ka identifikuar shoferin dhe ka nisur kërkimet për ta shoqëruar në komisariat, me qëllim sqarimin e rrethanave të ngjarjes. Grupi hetimor po vijon punën për të përcaktuar shkaqet që çuan në aksident, si dhe për të verifikuar nëse drejtuesi i mjetit ishte nën efektin e alkoolit apo të substancave të tjera.
Komente