A është ende Shqipëria një vend i përballueshëm për pushime pas rritjes së çmimeve? Disa turistë ndajnë mendimin e tyre

Nga Carmela Pagliuca

Pas shpërthimit të Shqipërisë si një destinacion turistik për shkak të bregdetit të mrekullueshëm dhe, dikur, të paprekur, që i ofronte turistëve mundësinë për të zgjatur pushimet falë çmimeve të lira, sot situata ka marrë një tjetër drejtim.
Në rrjet qarkullojnë mendime të ndryshme në lidhje me çmimet që aplikohen nga strukturat akomoduese në Shqipëri. Si pasojë e bumit turistik që tre vite më parë e renditi Shqipërinë si një destinacion të shumëdëshiruar, sot nuk mund të thuhet më e njëjta gjë – përjashtuar disa raste. Ndryshimet vërehen veçanërisht në zonat më të frekuentuara e të njohura.

Le të shohim çfarë mendojnë disa turistë që kanë vizituar Shqipërinë për dy vite me radhë: vitin e kaluar (2024) dhe këtë vit (2025).
Raffaele dhe Francesco iu përgjigjën disa pyetjeve për të kuptuar perceptimin e turistit që zgjedh Shqipërinë, të paktën deri vonë, edhe për çmimet e saj të ulëta.

Pse italianët zgjedhin Shqipërinë për pushime?
“Shumë italianë zgjedhin Shqipërinë sepse shihet si një destinacion tërheqës, me det të bukur, natyrë ende, në një pjesë të saj, të paprekur dhe çmime, deri para pak kohësh, më të përballueshme krahasuar me destinacionet e tjera në Mesdhe. Edhe afërsia gjeografike dhe kulturore luan rol: arrin lehtësisht dhe ndihesh si ‘në shtëpi’. Vitin e kaluar erdhëm për herë të parë dhe mbetëm vërtet të impresionuar pozitivisht – si nga mikpritja, ashtu edhe nga çmimet e favorshme”.

Në vitin e dytë radhazi në Shqipëri, çfarë ndryshimesh keni vënë re?
“Krahasuar me vitin e kaluar, kemi vënë re disa ndryshime, sidomos në aspektin ekonomik. Kursi euro-lek është bërë më pak i favorshëm, prandaj kemi pasur më pak fuqi blerëse. Kësaj i shtohet edhe një rritje e përgjithshme e çmimeve. Për të dhënë një shembull konkret: vitin e kaluar në Vlorë paguanim për dy shezlongë dhe një çadër 10 euro, këtë vit në të njëjtin plazh çmimi ishte rritur në 15 euro. Edhe për një kafe të thjeshtë kemi vënë re ndryshim: më parë e paguanim maksimumi 1 euro, ndërsa këtë vit shpesh na ka kushtuar 1.20 euro. Nuk janë shifra marramendëse, por kur i mbledh të gjitha, ndikojnë në buxhetin total të pushimeve. Kemi përshtypjen se Shqipëria, me këtë bum turistik, po i afrohet shpejt çmimeve të vendeve më të njohura turistike”.

Si është qasja e popullit shqiptar ndaj turistëve në përgjithësi?
“Vitin e parë mbetëm vërtet të impresionuar nga mikpritja: njerëz të sjellshëm, të gatshëm dhe shumë miqësorë me turistët. Këtë vit, megjithatë, kemi vënë re që situata ka ndryshuar pak. Nuk duam të përgjithësojmë, por na është dukur sikur ka një pjesë – edhe pse e vogël – e popullsisë që përpiqet të përfitojë nga prania e turistëve, ndoshta duke i rritur çmimet ose duke u përpjekur të përfitojnë nga mungesa e njohjes së vendit. Me fjalë të thjeshta: nëse nuk tregon kujdes, rrezikon të mashtrohesh. Kjo sjellje e dëmton turizmin dhe penalizon atë pjesë të popullsisë që mbetet gjithsesi mikpritëse dhe e ndershme. Kj