Gjatë 24 orëve të fundit, në vend janë evidentuar 25 vatra zjarri, nga të cilat 4 mbeten ende aktive. Situata paraqitet e përhapur në disa qarqe të Shqipërisë, ndërsa forcat zjarrfikëse dhe strukturat e mbrojtjes civile janë në terren për të menaxhuar emergjencat.
Vatrat aktive aktualisht
Sotiran, mes fshatrave Tragjas dhe Dukat, Orikum, Bashkia Vlorë
– Zjarr në sipërfaqe me shkurre e ferra, në lartësi mali.
– Në terren ndodhen 8 forca zjarrfikëse dhe 7 punonjës të Shërbimit Pyjor.
– Dje në ndihmë operoi edhe helikopteri Cougar i Forcës Ajrore.
Fshati Zgërbonjë, njësia Vërtop, Bashkia Poliçan
– Vatra nën monitorim. Nuk paraqet rrezik për përhapje.
“Livadhi i Peladhisë”, njësia Zerqan, Bashkia Bulqizë
– Zjarr në pyll me pisha dhe dëllinjë.
– Punohet me mjete me kalueshmëri të lartë për shkak të terrenit të vështirë.
“Liqeni i Luleve”, Parku Kombëtar Lurë, Bashkia Dibër
– Pavarësisht përpjekjeve intensive, vatra nuk është izoluar.
– Sot janë angazhuar: 7 zjarrfikës, 6 forca të AdZM, 5 forca bashkiake dhe 25 vullnetarë.
– Në mbështetje operon edhe një helikopter i Forcës Ajrore.
Zjarre edhe në banesa dhe biznese
Në dy raste, zjarret kanë përfshirë banesa, dhe një godinë biznesi, duke shkaktuar dëme të konsiderueshme materiale.
Dëmi në mjedis
Si pasojë e zjarreve të rëna, kryesisht në sipërfaqe me pemë, shkurre dhe barishte, janë djegur rreth 5 hektarë bimësi.
🚒 Forca të shumta në operacion
Në aksionet për shuarjen e zjarreve janë angazhuar:
30 automjete zjarrfikëse
351 forca nga strukturat vendore
59 efektivë të Forcave të Armatosura
1 helikopter, 5 mjete zjarrfikëse ushtarake, 1 pompë thithëse, 2 mjete vetëshkarkuese dhe 1 traktor me zinxhirë
Paralajmërim për rrezik të lartë
Sipas Institutit të Gjeoshkencave, sot pritet rrezik i lartë për zjarre në pothuajse të gjitha qarqet e vendit.
Parashikohen reshje të dobëta deri në mesatare vetëm në zonën e qarkut Shkodër, ku pritet mot me shtrëngata lokale.
Thirrje për qytetarët
Mbrojtja Civile mbetet në gatishmëri të plotë për ndërhyrje të shpejtë.
U bëhet thirrje të gjithë qytetarëve që të tregojnë kujdes dhe përgjegjësi maksimale, duke mos ndezur zjarre në ambiente të hapura dhe duke raportuar çdo sinjal tymi ose flake tek strukturat përkatëse.
Armandi Xhelilaj është gazetar me përvojë të gjatë në median vizive dhe të shkruar, me fokus në raportimin nga terreni dhe trajtimin e problematikave sociale e komunitare. Me një formim akademik në Gazetari-Komunikim dhe eksperiencë në televizione ai ka dëshmuar profesionalizëm dhe angazhim të vazhdueshëm në fushën e informimit.
Komente