Çdo vit më 14 qershor, bota kremton Ditën Botërore të Dhurimit të Gjakut – një moment për të vlerësuar ata që dhurojnë jetë përmes një gjesti human, por edhe për të rritur ndërgjegjësimin për nevojën e vazhdueshme për gjak të sigurt dhe të disponueshëm.
E shpallur në vitin 2005 nga Asambleja Botërore e Shëndetësisë, kjo ditë i fton vendet anëtare të mbështesin dhe forcojnë sistemet kombëtare të dhurimit të gjakut, me theks të veçantë tek dhurimi vullnetar dhe jo i shpërblyer. Sipas Rezolutës WHA58.13, shtetet duhet të sigurojnë programe të qëndrueshme dhe të mbikëqyrura për menaxhimin e gjakut, me synimin për të përmbushur nevojat jetike të pacientëve, si në ndërhyrje të planifikuara ashtu edhe në situata emergjente.
Gjakut nuk mund t’i gjendet zëvendësues – ai është një burim jetik që shpëton jetë. Në këtë 14 qershor, le të kujtojmë se çdo pikë gjaku është një akt dashurie dhe një investim në jetë.
Ariola është një gazetare e re dhe energjike në ekipin e Blu TV, e njohur për qasjen e saj dinamike ndaj lajmit dhe pasionin për gazetarinë terreni. Ajo sjell një zë të freskët dhe angazhim të vazhdueshëm në pasqyrimin e problematikave sociale dhe zhvillimeve aktuale, duke qenë afër komunitetit dhe duke raportuar me saktësi e profesionalizëm.
Komente